Портал государственных закупок

Внимание! Соединение с приложением прервано. Дождитесь повторного подключения.
Бақайдгирии ғайрирезидент

Маълумот оиди истифодабаранда
Даромадан
Насаб
Ном
Номи падар
Ҷинс
Мард /Мардона
Занона
Санаи таваллуд
Суроғаи почтаи электронӣ (барои огоҳиномаҳо)
Телефон (муҳим нест)
Телефони мобилӣ
Кишвар
Маълумот барои тамос
Маҳалли аҳолинишин (шаҳр, деҳа ва м.и.)
Кӯча
Сохтмон (хона)
Опортумон (манзили истиқоматӣ) (муҳим нест)
Маълумоти шиносномавӣ
Навъи ҳуҷҷат
Силсила
Рақам
Санаи додан
Мақомоти пешниҳоднамуда
Сканкунии ҳуҷҷатҳо
Қарордоди истифодабаранда
СОЗИШНОМА оид ба истифодаи веб-портали харидҳои давлатӣ аз ҷониби Истифодабаранда


1. Муқаррароти умумӣ 

1.1. Веб-портали харидҳои давлатӣ «_____________» (минбаъд Портал) низоми иттилоотии давлатӣ мебошад, ки имкони дастрасӣ ба хизматрасониҳои электронии хариди давлатии электрониро фароҳам менамояд.

1.2. Молики Портал (минбаъд Молик) Агентии хариди давлатии мол, кор ва хизматрасониҳои назди Ҳукумати Ҷумҳурии Тоҷикистон мебошад, ки низоми хариди давлатиро танзим менамояд.

1.3. Истифодабаранда дилхоҳ шахси воқеӣ, мебошад, ки дар Портал ба қайд гирифта шудааст ва аз Портал истифода мебарад.


1.4. Маъмури Портал (минбаъд Маъмур) Агентии хариди давлатии мол, кор ва хизматрасониҳои назди Ҳукумати Ҷумҳурии Тоҷикистон мебошад, ки ваколатдори татбиқ намудани сиёсати ягонаи техникӣ дар соҳаи хариди давлатии электронӣ, интишор ва мубодилаи иттилоот дар Портал мебошад.

1.5. Истилоҳот ва мафҳумҳое, ки дар Созишномаи мазкур истифода шудаанд, тибқи муқаррароти қонунгузории амалкунандаи Ҷумҳурии Тоҷикистон тавзеҳ дода шудаанд.

2. Мавзӯи Созишнома

2.1. Созишномаи истифодабарандагии мазкур (минбаъд Созишнома) байни Молик, Истифодабаранда ва Маъмур барои батанзимдарории муносибатҳои мутақобила дар доираи истифода ва пешниҳоди хизматрасониҳои давлатии электронӣ дар Портал баста шуд.


2.2. Молик ва Маъмур метавонанд ба Созишномаи мазкур бе ризоияти Истифодабаранда тағйирот ворид намояд. Дар ин маврид Молик ва /ё Маъмур бояд Истифодабарандаро бобати ворид намудани тағйирот ва / ё иловаҳо тариқи интишори огоҳиномаи дахлдор дар саҳифаи Портал огоҳ намояд.

3. Ҳуқуқу уҳдадориҳои Истифодабаранда

3.1. Истифодабаранда ҳуқуқ дорад:

3.1.1. бобати истифодабарии Портал кумаки машваратӣ ва амалии Маъмурро дастрас намояд;

3.1.2. дар соҳаи хариди давлатӣ аз Молик тавсияҳои методиро дастрас намояд;
3.2. Истифодабаранда уҳдадор аст:

3.2.1. ба Молик ва Маъмур маълумоти саҳеҳ ва мукаммал, дар мавриди зарурат тибқи бандҳо, мутобиқ бо ҳуҷҷатҳои бақайдгирӣ пешниҳод намояд;
3.2.2. худро ба ҷойи шахси ҳуқуқӣ ва ё воқеии дигар муаррифӣ накунад;

3.2.3. рамзи худро махфӣ нигоҳ дорад;

3.2.4. қасдан ва ё тасодуфан ягон қонуни амалкунандаи давлатӣ ва ё байналмилалиро вайрон накунад;

3.2.5. дар Портал маълумотҳои зеринро интишор накунад:

1) маълумотеро, ки Истифодабаранда тибқи муқаррароти қонун ё талаботҳои созишнома ҳуқуқи ошкор кардан надорад;

2) маълумотеро, ки қонунгузории амалкунанда, шаъну шараф, ҳуқуқу манфиатҳои аз тарафи қонун ҳифзшавандаи шахсони сеюмро вайрон мекунанд;

3) маълумотеро, ки ҳуқуқи муаллифӣ ва / ё ҳуқуқҳои бо он вобастаро вайрон мекунанд;

4) маълумоти таҳқиромез, инчунин маълумотеро, ки таъқиби одамонро аз рӯйи ягон нишона тарғиб менамояд, маълумотеро, ки зӯроварӣ ва адоватро тарғиб менамояд;

5) маълумот ва /ё истинод ба маводҳое, ки вирус ва ё дигар барономаҳои таъминотии тахрибкунандаро дар худ доранд;

6) дилхоҳ маълумоти дигар, ки ба талаботҳои муқаррарнамудаи истифодаи веб-портали хариди давлатӣ ҷавобгӯ нестанд

4. Ҳуқуқу уҳдадориҳои Молик

4.1. Молик ҳуқуқ дорад:

4.1.1.маълумот ва маводи заруриро тибқи тартиби муқаррарнамудаи қонунгузории Ҷумҳурии Тоҷикистон аз Истифодабаранда дархост ва дастрас намояд;
4.1.2.боэътимод будани маълумотҳои ҳисобот, маводҳо ва иттилоотеро, ки аз ҷониби Истифодабаранда дар Портал пешниҳод шудаанд, санҷад.

4.2. Молик вазифадор аст:



4.2.1. тартиби пешниҳод намудани хизматрасониҳои электрониро барои субъектони низоми хариди давлатӣ ва дигар шахсони манфиатдор муайян намояд;

4.2.2. дар соҳаи хариди давлатӣ роҳбарии методиро памалӣ намояд.
5. Ҳуқуқу уҳдадориҳои Маъмур

5.1. Маъмур ҳуқуқ дорад:

5.1.1. дар сурати вайрон кардани шартҳои Созишномаи мазкур ба қайд гирифтани Иштирокчиро рад кунад, сафҳаи баҳисобгирии Муштариро ҳазф ё маҳдуд созад.

5.2. Маъмур вазидор аст:

5.2.1. фаъолияти муназзам ва таъминоти техникии Порталро фароҳам оварад;

5.2.2. ба Истифодабаранда барои истифодаи Портал кумаки машваратӣ ва амалии худро пешниҳод намояд.

6. Ҳукми қонунӣ пайдо намудани Созишнома
6.1. Созишнома пас аз бақайдгирии Истифодабаранда дар Портал эътибор пайдо менамояд.

6.2. Бақайдгирӣ тариқи пур кардани шакли бақайдгирӣ аз ҷониби Иштирокчӣ, изҳори розигии Иштирокчӣ бо ҳама шартҳои Созишномаи мазкур ва ирсоли маълумоти шакли бақайдгирӣ ба Портал амалӣ мегардад.

7. Масъулият

7.1. Дар мавриди ҷойгир намудани дилхоҳ иттилоот, маълумот ва маводҳо дар Портал, Истифодабаранда барои мазмун ва муҳтавои мавод, маълумотҳо ва нишондодҳои пешниҳоднамудааш, қонунӣ будани онҳо ва истифодаи онҳо тибқи муқаррароти қонунгузории Ҷумҳурии Тоҷикистон масъулияти шахсиро бар уҳда дорад.

7.2. Истифодабаранда барои нигоҳдории бехавфи рамзи худ, инчунин оқибатҳое, ки дар натиҷаи ифшо шудани он рӯй медиҳанд, масъулияти шахсиро бар уҳда дорад.


7.3. Истифодабаранда барои сари вақт дар Портал ҷо намудани мавод, иттилоот, маълумот ва ҳисоботҳое, ки бояд ба таври ҳатмӣ дар Портал ҷо дода шаванд, масъулияти шахсиро бар уҳда дорад.

7.4. Молик , Маъмур барои мазмуну муҳтавои иттилоот, маълумот ва маводе, ки аз ҷониби Истифодабаранда дар Портал ҷо дода мешаванд, мувофиқати онҳо бо муқаррароти қонунгузории Ҷумҳурии Тоҷикистон, инчунин барои амалҳои ғайриқонунии Истифодабаранда дар мавриди истифодаи иттилоот, маълумот ва маводҳое, ки дар Портал ҷо дода шудаанд, барои вайрон кардани ҳуқуқи муаллиф ва дигар ҳуқуқҳои шахсони сеюм аз ҷониби Истифодабаранда, ҷавобгар нестанд.

7.5. Маъмур барои муваққатан бо сабабҳои техникӣ қатъ гардидани кори Портал, ки бо сабабҳои аз Маъмур ва Молик новобаста ба амал омадаанд ва ё ҳангоме ки корҳои нақшавӣ ва ё берун аз нақшаи таъминоти техникии Портал анҷом дода мешаванд, ҷавобгар нест.

7.6. Молик ва Маъмур барои муваққатан қатъ гардидани алоқа ва нуқсонҳои ба он монанд, инчунин барои нуқсонҳои компютере, ки Истифодабаранда тариқи он ба Интернет ворид мешавад, ҷавобгар нест.

7.7. Молик ва Маъмур барои амалҳои дигар Истифодабарандагон ва иштирокчиёни Портал дар назди Истифодабаранда ҷавобгар нестанд.

7.8. Молик ва Маъмур барои ҳама гуна зарари мустақим ва ғайримустақим, аз ҷумла фоидаи аздастдода, зарар аз истифодабарӣ, аз даст додани маълумот ё дигар зарари ғайримоддӣ, иснод ба обрӯ ва ё дигар зарар, ки дар натиҷаи ҳолатҳои зерин ба амал омадаанд, ҷавобгар нест:


7.8.1. истифодабарӣ ё мавҷуд набудани имкони истифодабарӣ аз Портал;

7.8.2. тағйир додани шартҳои Созишнома;


7.8.3. дастрасии ғайриваколатӣ ба маълумот оиди Истифодабаранда ва ё тағйир додани маълумотҳои аз ҷониби Истифодабаранда ирсолшаванда ё маълумоте, ки дар сервер нигоҳ дошта мешаванд;

7.8.4. дигар ҳолатҳое, ки ба хизматрасониҳои дар Портал пешниҳодшаванда вобаста мебошанд.

8.Шартҳои дигар

8.1. Истифодабаранда барои дастрас ва интишор намудани маълумоти иловагӣ дар бораи худ аз ҷониби Молик, ки дар низомҳои иттилоотии давлатӣ ва /ё ғайридавлатӣ (пойгоҳҳои додаҳо) мавҷуданд ва маълумотҳои бонкӣ, тиҷоратӣ, хизматӣ ва /ё сирри адозро дар бар мегиранд, зид нест.

8.2. Ҳамаи даъвоҳо, дархост, суолҳо, ҳама гуна муросилоти дигари вобаста ба кори Портал, бояд ба суроғаи почтаи электронӣ, ки дар саҳифаи асосии Портал нишон дода шудааст, ирсол шаванд.

8.3. Муносибатҳои Истифодабаранда, Молик ва Маъмур дар доираи Созишномаи мазкур тибқи муқаррароти қонунгузории Ҷумҳурии Тоҷикистон ба танзим дароварда мешаванд.

8.4. Беамалӣ аз ҷониби Молик ва /ё Маъмур дар сурати аз ҷониби Истифодабаранда ва ё дигар истифодабарандагон вайрон кардани муқаррароти Созишнома, онҳоро аз ҳуқуқи минбаъд амалӣ намудани чораҳои зарурӣ барои ҳимояи манфиатҳои худ озод наменамояд.

8.5. Дар сурати пешниҳод гардидани даъво аз ҷониби шахсони сеюм, ки ба интишор ва /ё истифодаи мавод вобаста мебошанд, Истифодабаранда мустақилона аз ҳисоби худ даъвои мазкурро бояд ҳал намояд.
Ман ба шартҳои қарордод розӣ ҳастам